MALAMPUSONG mitapos ang mokabat 152 ka mga bag-ong barangay tanod gikan sa 80 ka barangay sa Cagayan de Oro sa tulo ka adlaw nga Oro Barangay Tanod - Basic Orientation Training, Septyembre 16, 2024.

 

Ang nasangpit nga pagbansay nunot sa paningkamot sa katibuk-an nga Barangay Tanod Development Committee (BTDC) ug mga myembrong buhatan ning syudad.

 

Ang BTDC gilangkoban ni COCPO City Director PCOL Salvador Radam isip chair, DILG City Director Edward Bhagwani isip co-chair, samtang ang mga myembrong buhatan mao ang Community Affairs Office ubos ni Department Manager Oliver Egypto, City Local Environment and Natural Resources Office, City Legal, SK Federation President Councilor Kenneth John Sacala, Liga ng mga Barangay President Councilor Yan Lam Lim, Philippine Drug Enforcement Agency, Bureau of Fire Protection, Roads and Traffic Administration, Committee Chair on Public Order and Safety Councilor Romeo Calizo ug City Disaster Risk Reduction and Management Office.

 

Gipa-abot usab ni Mayor Rolando Klarex Uy pinaagi sa tigpamaba niini nga si Mr. Jan Guillmore Actub ang iyang panimbaya sa mga bag-ong tanod.

 

Nagpasalamat usab kini sa nagpaluyo aron magmalampuson ang nasangpit nga training nga magsilbing hinagiban sa pagpatunhay sa kalinaw ug pagpanalipod sa katawhan sa matag barangay. (AGP/Photo by Kim Zaldivar & CMO)