Gipasalamatan og dako ni Mayor Klarex Uy ang Department of Agriculture-Agricultural Training Institute Regional Training Center ubos sa pagpangulo ni Director Maria Lydia A. Echavez human gi-turnover sa maong ahensya ang balor P10 milyones nga grant alang sa katukoran sa 30-Sow Level Swine Multiplier and Techno Demo Farm.

 

Ang yanong check turnover nga gipahigayon sa buhatan sa mayor, Septiyembre 24, 2024 gisaksihan sa mga kadagkoan mismo sa City Veterinary Office.

 

Matud pa ni Mayor Klarex nga ang maong DA grant dako na kaayo og ikatabang sa pagpauswag sa kahimtang sa atong mga kaigsoonang mag-uuma kansang panginabuhian anaa nagsalig sa pagpamuhi og baboy. (CIO/photos by CMO)