NAPILI isip usa sa lima ka finalists ang dakbayan sa Cagayan de Oro sa 2024 Most Business-Friendly LGU Award ubos sa city level 1B category bag-ohay lang.

 

Ang maong pasidungog gipasiugdahan sa Philippine Chamber of Commerce and Industry (PCCI) diin gibasihan niini ang programa ug suporta sa administrasyon ni Mayor Klarex Uy sa “business community” innovation, ingon man padayong pagpalambo sa ekonomiya sa komunidad.

 

Nasayran nga gipresentar nila ni Oro-TIPC Head John W. Asuncion, CPDO Head Chedilyn Aissa P. Dulguime, Engr. Leonil G. Mistula, ang Assistant City Treasurer for Operations ug Ms. Tanya T. Manticajon sa Business Permits and Licensing Division (BPLD) ang mga programa sa dakbayan sa PCCI Headquarters sa kaulohan adlaw’ng Lunes, Septiyembre 23.

 

Ang top 5 LGUs naglangkob sa Bacolod City, Baguio, Cagayan de Oro, Iloilo ug Mandaue City.

 

Kahinumdoman nga kanunay nahimong finalist ang Cagayan de Oro sa tinuig nga pagpahigayon sa Most Business-Friendly LGU Awards sa PCCI. (GB/CIO Layout by Carl/CIO)