MGA scholar volunteers gipakitaan og ‘demonstration’ sa mga personahe sa meldCX kon usa ka technology company sa Cagayan de Oro kalabot sa Artificial Intelligence ug drone technology adlaw’ng Huwebes, Septiyembre 26 dinhi ning siyudad.

 

Ang ‘demonstration’ usa ka pagpangandam sa umalabot nga RISE- Artificial Intelligence (AI) & Drone Tech EXPO nga ipahigayon karong Septiyembre 30 diha sa Limketkai Rotunda diin ang mga scholar volunteers maoy mosalmot.

 

Ang RISE- Artificial Intelligence (AI) & Drone Tech EXPO kabahin sa RISE-AI scholarship sa City Education and Development Department - City Scholarships Office kon usa ka fully-funded scholarship program nga nakatutok sa AI technology alang sa drone operations ug engineering ubos sa pagpangulo ni City Scholarships Officer Richel Petalcurin-Dahay.

 

Gani, subling giawhag ni City Scholarships Officer Richel Petalcurin-Dahay ang kadtong interesado nga mo-apply sa RISE-AI nga magpasa na sa online application pinaagi niini nga link: bit.ly/RISEAIApply2024

ingon man kini abri lamang hangtud ugma, Septiyembre 27.

 

Alang sa dugang kasayuran, mahimong mobisita sa ilang page: CDO City Scholarships Office fb page. (NLB/CIO/photos by Jomar Figuracion and Nica Borja/CIO).