HINIUSANG gipadayag sa lokal nga kagamhanan sa Cagayan De Oro, USAID, Liveable Cities Philippines, business community ug mga stakeholders ang mga plano ug mga kasamtanga’ng gihimong inisyatibo atol sa pagpahigayon og forum nga 'Building a Future-Ready Cagayan de Oro City' pinaagi sa Connect x LocalLab adlaw’ng Huwebes nga gipahigayon sa City Tourism Hall.

 

Ang nasangpit nga forum gitambungan sa mga lokal nga opisyal, mga eksperto, ug mga stakeholders nga naghisgot kabahin sa mga istratehiya sa pag-uswag sa ekonomiya, imprastraktura, ug mga serbisyo publiko ingon man sa hisgotanan kabahin sa sustainable development, smart city initiatives, ug pagpalig-on sa resiliency sa syudad.

 

Si City Planning and Development Officer Chedilyn Aissa Dulguime kinsa mi-representar kang Mayor Rolando Klarex Uy mipadayag sa RISE Agenda ug mga programa nga nahaom usab sa tema sa maong forum.

 

Samtang aktibo usab nga misalmot ang mga business community ning dakbayan, pinaagi sa Filipino Chinese Community gikan sa Misamis Oriental ug Cagayan De Oro. (GB/CIO Photos by Kim Zaldivar/CIO)