MAPASALAMATON ang 640 ka Pantawid Pamilyang Pilipino Program (4Ps) beneficiaries human migradwar atol sa ‘Pugay Tagumpay,’ Septiyembre 26, diha sa city hall quadrangle, ning siyudad.

 

Mismo si Department of Social Welfare and Development (DSWD) X Regional Case Management Focal Abdul Jabbar Usman, DSWD X Social Welfare Officer III Janice Barraquias, Committee on Social Services Chairperson City Councilor Girlie Balaba, City Social Welfare and Development Officer Annie Tongson Committee on Social Services Chairperson City Councilor Girlie Balaba, City Social Welfare and Development Officer Annie Tongson, City Health Officer Dr. Rachel Dilla, City Gender and Development Focal Point System Representative Jocelyn Peñalosa kinsa mirepresentar ni City GAD Co-chair Sheila Lumbatan ang mitunol sa mga certificate of recognition ngadto sa mga graduates. Gawas sa certificate of recognition, gitunol usab sa DSWD ang case folders sa mga 4Ps ngadto sa LGU-CDO isip pagmatuod nga sila migradwar na.

Milagda usab sa ‘wall of commitment’ ang mga ‘partner stakeholders’ aron isip timaan sa padayon nga suporta niini sa 4Ps.

 

Ang 4Ps ning siyudad gipangulohan sa City Inter-agency Committee kon CIAC nga gilangkoban sa nagkadaiyang buhatan sa LGU-CDO, uban sa national government agencies, civil society organizations pinangulohan ni Mayor Klarex Uy ug gidala ni City Social Welfare and Development Department 4Ps Focal Person Arlene Baja uban sa suporta Department of Social Welfare X.

 

Nasayrang kini na ang ikatulo nga batch sa 4Ps beneficiaries nga migradwar sa siyudad sukad tuig 2022.

 

Ang 4Ps ubos sa Department of Social Welfare and Development (DSWD) X diin gilusad sa tuig 2008 ug gi-institutionalize sa tuig 2019 pinaagi sa Republic Act No. 11310 kon 4Ps Act, ang national poverty reduction strategy ug human capital investment program diin gahatag og conditional cash transfer sa mga pamilya nga nahisakop sa poor households sulod sa pito ka tuog pataas alang sa paglambo sa ilang himsog nga panglawas, nutrisyon ug edukasyon.

 

Tumong niini ang makahatag og alibyo sa kapobrehon ug makapalambo sa kinabuhi sa sa 4Ps households' well-being ug non-4Ps households kinsa ‘poor’ ‘vulnerable,’ ug ‘disadvantaged residents’ sa siyudad. (NLB/CIO/photos by Kim Zaldivar and Jay Arancon/CIO)