MIDUYOG ang kagamhanang lokal ubos sa administrasyon ni Mayor Rolando “Klarex” Uy sa ika-21 nga kasaulogan sa Cerebral Palsy Awareness Week, Septiyembre 25-26, nga gipahigayon sa Department of Health X, ning siyudad.

 

Mokabat dul-an 50 ka ginikanan uban sa district focal persons gikan sa pipila ka barangay ang misalmot niini diin sila gipahibalo sa kabahin sa Cerebral Palsy, mga practical skills sa pag-atiman sa bata nga aduna niini nga sakit samtang mipalawum sa self-care tips sama sa drawing ug gipahinumdoman ang mga ginikanan kon unsaon pag-atiman sa ilang kaugalingon samtang sila ga-atiman sa ilang anak.

 

Ang maong kalihokan inisyatiba sa Department of Public Works and Highways X, Department of Social Welfare and Development X, Department of Health X, City Social Welfare and Development Department, Persons with Disabilities Affairs Office uban sa tumong nga mahatagan sa atensyon ang mga katungod sa mga kabataan nga aduna’y Cerebral Palsy ilabina ang mga ilang mga ginikanan. (NLB/CIO/photos by Jomar Figuracion/CIO)