MIDUYOG ang syudad pinaagi sa City Health Office sa paglusad sa kampanya batok Human Papillomavirus (HPV), Tipdas, Rubella, Tetanus ug Diptherya sa mga kabataan ilabina sa pampublikong tunghaan karo’ng adlawa, Oktubre 7 atol sa kick off ceremony sa Bakuna Eskwela nga gipahigayon sa Bulua Central School.

 

Kini alayon usab sa simultaneous nationwide kick-off ceremony diin mismo si City Health Officer Dr. Rachel Dilla kauban ni DOH 10 Regional Director Dr. Sulpicio Henry Legaspi ingon man kadagkoan sa DepEd-Division of Cagayan de Oro sa pagpangulo SDS Roy Angelo Gazo ug mga opisyales sa Barangay Bulua.

 

Subay niini, nanawagan si Dr Dilla sa mga ginikanan nga suportahan ang vaccination diin miduyog usab ang representante sa World Health Organization.

 

Target sa maong Bakuna Eskwela campaign sa DOH ug City Health Office ang mga kabataan nga Grade 1 ug Grade 7 alang sa bakuna sa 'Measles-Rubella' ingon man Grade 4 nga mga kabataang babayi nga magpabakuna sa HPV. (GB/CIO Photos by Kim Zaldivar)