SA tinguha nga mapanalipdan ang kabataan ug mokunhod ang kaso sa prostitution sa syudad, nagpahigayon og night monitoring ang City Inter-Agency Council Against Trafficking and Violence Against Women and Children (CIACAT-VAWC) sa business establishments adlaw’ng Sabado, Oktubre 5.

 

Lakip sa gi-monitor ang spas, bars, inns, hotels ug night clubs.

 

Kauban usab sa CIACAT-VAWC, ang Regulatory Compliance Board (RCB) sa LGU-CDO, mga non-government organizations sama sa Philippine Island Kids International Foundation, Inc. (PIKIFI) ug Tisaka Foundation nga misalmot sa night monitoring.

 

Ang maong night monitoring nunot sa kasaulogan sa "International Day of No Prostitution" nga giaulog matag Oktubre 5. (NLB/Photos by Reynan Baylin/CIO)