GITAPOS sa lokal nga kagamhanan sa Cagayan de Oro pinaagi sa Office of the Human Resource Management Officer ang 124th Philippine Civil Service Anniversary pinaagi sa usa ka HR summit bag-ohay lang.

 

Mokabat sa kapin 200 ka mga empleyado sa city hall ang misalmot sa maong summit diin gipresentar ang mga bag-ong pamaagi sa pagpanerbisyo ilabina ang hisgotanan sa ‘resiliency.’

 

Lakip sa mitatak nga pamaagi ang BANI world ug ang pagsagop sa modern public service ingon man ang pagpatuman sa excellent customer service skills ning panahon sa kabag-ohan o modern times.

 

Tumong sa maong summit ang mahatagan og bili ang mga kawani sa LGU-CDO ning kasaulogan sa 124th Philippine Civil Service Anniversary pinaagi sa pagdugang sa ilang kahibalo aron sila mamahimong 'effective' supervisors ug employees.

 

Mismo si Mayor Klarex Uy, Ms Xysclyn Faith Lumbatan, department manager sa HRMD ang nangulo sa maong summit nga gitambongan usab ni HR overseer Ms. Sheila Lumbatan. (NLB/CIO/photos by Jomar Figuracion and Nica Borja/CIO)