MIPADAYAG sa suporta sa World Mental Health Day ang LGU-CDO diin mismo si Mayor Klarex Uy ang nangulo sa pagbukas sa maong kasaulogan kauban ni City Social Welfare and Development (CSWD) Department Officer Annie Tongson, City Psychologist Jaymee Leonen-Pagaspas, Office of the Human Resource Management Officer Department Head Xsyclyn Faith ‘Kansai’ Lumbatan, City Gender and Development (GAD) Focal Point System representative Sol Mosqueda ug uban pa.

 

Atol sa maong kasaulogan, gipahigayon ang duha ka adlaw nga training kalabot sa paghatag og kamahinungdanon sa mental health diha sa buhatan ug trabahoan ingon man ang pag-ila sa sintomas sa stress, ug mga angay buhaton sa panahon nga mobati kini pinaagi sa Psychological First Aid.

 

Kini gisalmotan sa pipila ka mga empleyado sa city hall kinsa nakabenepisyo sa Information Drive sa CSWD Psychosocial Division niadtong Septiyembre 30- Oktubre 7 lakip mga SK officials gikan sa nagkadaiyang barangay.

 

Ang maong kasaulogan gipangulohan sa CSWD Psychosocial Division, City Health Office ug Medical Action Group kansang tinguha ang pagpalig-on sa LGU-CDO sa paghatag og psychosocial support ngadto sa ila mismong buhatan ug sa ilang mga kliyente. (NLB/CIO/photos by Reynan Baylin CIO, Jomar Figuracion and Nica Borja/CIO)