Mainitong giabi-abi nila ni Mayor Rolando "Klarex" Uy ug Carmen Brgy. Captain Joaquin "Kikang" Uy ang mga aplikante sa housing program sa syudad uban ang Socialized Housing Finance Corporation (SHFC) atol sa community needs assessment and briefing, adlaw'ng Sabado, Oktubre 19 diha sa City Tourism Hall ning syudad.

 

Kadaghanan sa mga aplikante nga mitambong naggikan sa Barangay Carmen, San Simon, Pagatpat, ug pipila ka barangay sa District 1.

 

Kauban ang mga staff sa Social Housing Finance Corporation (SHFC) ug si CHUDD Department Manager Cesar A. Pagapula-an, Jr., aktibo silang mipartisipar sa proseso sa Community Needs Assessment sama sa orientation ug interview aron ilang makompleto ang mga requirements ug makasugod na sa pag-apply.

 

Usa sa gihingusgan ni Mayor Klarex Uy ang pagpatuman sa socialized housing program sa tinguha nga makaangkon og desenteng pinuy-anan ang mga kabus ug labaw'ng nanginahanglan. (Text and photos by CHUDD)