GISAULOG sa Indigenous Peoples sector ning siyudad ang Indigenous Peoples Month diin dungan usab ang ika-27 nga tuig sa Indigenous Peoples Rights Act (IPRA) of 1997, Oktubre 24, sa city hall quadrangle.

 

Atol sa kalihokan, gipahigayun ang usa ka motorcade diin gisundan sa usa ka hamubong programa nga gisalmotan sa mga indigenous cultural communities nga gilangkoban sa IP leaders, City Councilor Malvern Esparcia, City Councilor James Judith, mga personahe sa National Commission on Indigenous Peoples (NCIP) ug ubang local and national government agencies.

 

Mismo ang buhatan ni City Indigenous Peoples Mandatory Representative (IPMR) City Councilor Roberto ‘Datu Makilala’ Cabaring uban sa IPs section sa City Social Welfare and Development Department ug NCIP ang nangulo sa maong kalihokan uban sa tema’ng “Mga Katutubo at Katutubong Dunong: Pahalagahan, Pangalagaan, at Parangalan" kon paghatag bili sa mga katungod sa Indigenous peoples. (NLB/CIO/photos by Reynan Baylin/CIO)