MALAMPUSONG mitapos sa 10-day livelihood skills training on general sewing ang mokabat 12 ka mga kababayen-an nga sakop sa Barangay Women’s Development Council (BWDC) sa barangay Puntod ning syudad, bag-ohay lang.

 

Gisugdan ang nasangpit nga pagbansay niadtong Oktubre 14 ug natapos Oktubre 25 sa tuyo nga makahatag katakos sa mga kababayen-an sa pagpanahi ug sa hingpit makatabang isip dugang panginabuhian.

 

Nasayran lakip sa mandato sa Community Improvement Division sa pagpangulo ni Mr. Honorio G. Diputado ang pagpahigayon og community-based livelihood skills training sa mga kabaranggayan agi’g pagsubay sa tinguha sa RISE development agenda ni City Mayor Rolando ‘Klarex’ Uy nga makatabang sa pag-uswag sa panginabuhi sa mga kabus sa kadaplinan. (AGP/CIO&Sophia Eines Castillo/Nilo Labares/CID Information Officers/Photos by CID)