Wednesday, 30 October 2024 03:12

LGU-CDO, ABCCA MILAGDA OG KASABOTAN ISIP PARTNER SCHOOL SA RISE-AI SCHOLARSHIP SA SYUDAD

Written by NLB
PORMAL nang milagda si Mayor Klarex Uy uban sa Asian Business Cabletow Cooperative Academy, Inc. (ABCCA, Inc.) isip partner school sa City Scholarships Office - City Education and Development Department alang sa Relevant Industry Skills for Employment (RISE) - Artificial Intelligence (AI) scholarship program, Oktubre 29.
 
Tumong sa maong scholarship ang paghatag og kahigayonan sa Out-of-School youth nga makakuha og kahibalo alang sa ilang panginabuhi.
 
Mismo si Mayor Klarex Uy uban ni City Scholarships Office - City Education and Development Department Manager Richel Petalcurin-Dahay, ABCCA Inc. Chairman-CEO Dr. Soc Anthony M. Del Rosario ang milagda sa maong kasabotan diin gisaksihan ni Committee on Education Chairperson City Councilor Suzette Magtajas-Daba ug ABCCA Inc. Chief Operations Officer Dr. Jovelyn Regular.
 
Ang MOA signing ceremony gisundan sa hamubo nga programa nga gipahigayon sa ABBCA Inc. mismo nga gisugdan sa ribbon cutting ceremony ug pagbukas sa laboratory diin asa magtuon ang mga scholars sa RISE-AI magtuon sa Artificial Intelligence, 3D Animation ug Drone Technology nga itudlo usab sa meldCX ug Skunkworks, usa ka technology company sa siyudad pinangulohan ni Thor Turrecha.
 
Nasayrang ang RISE-AI, usa ka fully-funded 3-month scholarship program sa LGU-CDO nga nakatutok sa Generative AI, 3D Animation ug drone engineering ug 100 matag batch ang moipalawum sa scholarship.
 
Kini usab ang pinakaunang AI scholarship sa tibuok nasud.
 
Tumong niini nga mahatagan og taas nga job opportunity ang mga Out-of-School Youth ug kadtong wala’y trabaho pinaagi sa pagtuon sa natad sa teknolohiya sanglit usa kini sa mga in-demand jobs ning henerasyon.
 
Alang sa interesado, mag-enroll niini, extended ang application ug pwede mag-apply gamit niini nga link: bit.ly/RISEAIApply2024. (NLB/CIO/photos by Kim Zaldivar, Jomar Figuracion and Roel Felicitas/CIO)