Sa tinguha nga mahatagan og mas accessible nga relocation ang kapin 600 ka mga aplikante, usa ka dakong kalampusan sa housing program ubos sa administrasyon ni Mayor Rolando `Klarex’ Uy nga makahimo og onsite relocation diha sa Barangay Carmen ilawom sa Pambansang Pabahay Para sa Pilipino (4PH) program.

 

Si Cesar Pagapula-an Jr., acting department manager sa City Housing and Urban Development Department (CHUDD) nagkanayon nga ang katukuran sa kapin 600 units Klarexville 2 maoy usa sa mga unang onsite relocation projects sa Klarex administration.

 

Kini aron padayon nga maalagaran ug mahatagan og kahigayonan ang nga informal settler families (ISFs) nga makabaton og disente ug kaugalingon nga pinuy-anan.

 

Nahimo ang maong plano atol sa meeting sa mga kadagkuan sa CHUDD ug opisyal sa Homeowners Association (HOA).

 

Nunot niini, dako ang pasalamat sa mga opisyal sa HOA kang Mayor Klarex nga kanunay naglantaw sa kaayohan sa katawhan ilabina sa mga ISFs nga nangita og accessible nga relokasyon. (ALR/CIO/Photos from CHUDD)