GIDAPIT ang tanan sa pagbisita sa City Hall Mini Park sugod karong adlawa aron makapalit sa baratong bugas.

 

Gikabutyag nang daan ni Atty Jose Edgardo “Egay” Uy, kinsa mao usab ang chairman sa City Price Coordinating Council (CPCC) nga nakigtambayayong ang pipila ka mga pribadong rice retailer ning syudad alang sa mas baratong presyo sa bugas.

 

Ang pagbaligya sa baratong bugas inabagan usab sa Department of Trade and Industry 10 ug RBS Grains Retailer, nga nagsugod adlaw’ng Martes, Nobyembre 19 hangtud Nobyembre 22 sa City Hall Mini Park.

 

Anaa lamang sa P40 hangtud 48 matag kilo ang mapilian sa mga mamalitay ug walay “limit” sa ilang gustong paliton. (ACM/CIO Photos by JAY ARANCON)