GIHUGOPAN sa mga local operators sa micro, small, and medium enterprises kon MSME's ning siyudad ang MSME Financing Forum sa Oro Trade and Investments Promotion Center (ORO-TIPC) kagahapong adlawa, Nobyembre 19 sa City Tourism Hall.

 

Mipaambit usab sa ilang mga programa ang pipila ka financial institutions ug mga national agencies nga adunay mga programa sa pagtabang ug pagiya sa mga MSME's sa ilang mga negosyo.

 

Ang nasangpit nga inisyatiba sa ORO-TIPC nunot sa economic development program sa syudad ubos sa RISE Development Agenda ni Mayor Rolando ‘Klarex’ Uy.

 

Nasayran gikan ni Oro-TIPC Head John W. Asuncion nga daghan pang nakalinya nga mga programa ang giandam sa iyang buhatan aron pagtabang sa mga gagmay’ng negosyante ug kinatibuk-ang business community sa dakbayan.