GIBUKSAN na sa City Inter Agency Council against trafficking and Violence Against Women (CIACAT-VAWC) uban sa Regional Children Inter Agency Council Against trafficking and Violence Against Women and the Children (RIACAT-VAWC) ang 18-day Campaign to End Violence Against Women (VAW), kagahapong adlawa, Nobyembre 25, diha sa Amphitheater, ning siyudad.

 

Atol sa maong kalihokan, gipahigayon ang usa ka motorcade nga gisugdan sa Ridelsa circle hangtud Amphitheater ug gisundan sa hamubo nga programa diha diin mipadayag sa ilang tagsatagsa ka mensahe ang mga miyembro sa CIACAT-VAWC ug RIACAT-VAWC.

 

Misalmot sa kalihokan ang nagkadaiyang barangay, national government agencies, non-government organizations, ug uban pa.

 

Natapos ang kalihokan pinaagi sa commitment signing.

 

Nasayrang tumong sa maong kalihokan ang pagsuporta sa tema sa kampanya ning tuig diin mao ang “VAW bigyang wakas, Ngayon na ang oras.”

 

Kini molungtad hangtud Disyembre 12. (NLB/CIO/photos by Reynan Baylin/CIO)