MOKABAT sa 140 ka mga bata gikan sa nagkadaiyang barangay ang misalmot sa Children’s Congress, adlaw’ng Martes, Nobyembre 26, diha sa Tourism Hall ning siyudad.

 

Lakip sa gihisgotan ang kalabot sa mga katungod sa kabataan.

 

Misalmot sa kalihokan si City Administrator Atty. Roy Hilario Raagas kinsa mirepresentar ni Mayor Klarex Uy ug mga miyembro sa City Council for the Protection of Children (CCPC).

 

Ang maong congress inisyatiba sa CCPC diin mismo ang child federation officers ang nagpasiugda niini.

 

Kini alayon sa kasaulogan sa Children’s month nga gisaulog matag bulan sa Nobyembre.

 

Tumong niini ang makatukod og ‘connection’ ang mga bata sa matag usa ug sila magkabinayloay og panghunahuna kalabot sa paglambo sa mga programa sa kabataan sa siyudad. (NLB/CIO/photos by Marck Laurente/CIO)