GIPRESENTAR sa Oro Youth Development Office kang Mayor Rolando “Klarex” Uy ang pasidungog nga nadawat sa siyudad gikan sa United States Agency for International Development (USAID) Opportunity 2.0, atol sa flagraising ceremony nga gipahigayun sa city hall quadrangle karong adlawa, Disyembre 2.

 

Ang maong pasidungog nunot sa paghatag ni Mayor Klarex og wala’y puas nga suporta sa learning opportunities sa mga marginalized out-of-school youth ning siyudad pinaagi sa pagmugna sa Out-of-School Youth Development Alliance-Cagayan De Oro City (OSYDA-CDO) kon organisasyon nga gilangkoban sa public ug private organizations alang sa pagtubag sa mga panginahanglanon sa out-of-school youth (OSY).

 

Lakip sa awards nga gi-representatr ang Individual award ni Mayor Klarex Uy isip ang ‘Outstanding Youth Champion in Davao Hub’ ug ang awards sa siyudad sama sa Most Outstanding Program for O.S.Y. Employment pinaagi sa Job Placement Bureau - Public Employment Service Office (JPB-PESO), Outstanding Program for OSY Entrepreneurship, samtang midawat ang OSYDA-CDO og special citation on Sustainability ug uban pa.

 

Gipresentar usab ang individual award ni Kagay-Anon Youth Network Alliance (KaYa NA!) President John Rey Remadavia isip ‘Most Outstanding Youth Leader’.

 

Nasayrang gidawat ni Committee on Education Chairperson City Councilor Suzette Magtajas-Daba, Sangguniang Kabataan Federation President Kenneth John Sacala, City Administrator Atty. Roy Hilario Raagas, Oro Youth Development Officer Lord Saver Centina ug uban pang mga opisyal sa syudad ang maong award, niadtong Nobyembre 13, sa Quezon City. (NLB/CIO/photos by Reynan Baylin/CIO)