NAGPASALAMAT si Mayor Rolando "Klarex" Uy sa Cagayan de Oro Filipino-Chinese Amity Club Inc. sa ilang donasyon nga mga dugang medical equipment alang sa JR Borja General Hospital (JRBGH) ning dakbayan.

 

Gipahigayon ang turnover ceremony atol sa sinemanang pagpakayab sa nasudnong bandila sa City Hall.

 

Mismo si Mayor Klarex, kauban ang 20th City Council sa pagpangulo ni Vice Mayor Jocelyn Rodriguez, ang midawat sa mga donasyon gikan sa mga opisyales sa Amity Club.

 

Lakip sa mga gihatag nga ekipo mao ang 4 ka unit nga patient stretcher, 2 ka unit nga infusion cart, 2 ka unit nga syringe pump, ug 15 ka unit nga wheelchair.

 

Matod ni Mayor Klarex, ang maong donasyon usa ka dako nga tabang alang sa dugang pagpalambo sa serbisyo sa JRBGH.

 

Gipasalamatan usab niini ang suporta sa Amity Club sa padayon nga pagtinabangay aron mapalambo ang serbisyo medikal sa dakbayan.

 

Ang maong donasyon nagpakita sa kooperasyon sa pribado ug publiko nga sektor alang sa kayuhan sa katawhan. (GB/CIO Photos by Reynan Baylin/CIO)