NASAKMIT sa West City Central School ang kadaugan isip champion sa gipahigayon nga Bangga sa Daygon 2024, Disyembre 12, 2024 sa Limketkai Mall alayon sa usa ka bulan nga aktibidad sa Pasko de Oro nga gipasiugdahan sa kagamhanang lokal sa Cagayan de Oro ubos sa administrasyon ni City Mayor Rolando ‘Klarex’ Uy.

 

Isip kampyon madawat sa WCCS ang 60,000 nga cash ug trophy.

 

Samtang nahimong second runner up ug modawat og 40,000 cash ug trophy ang Kauswagan Central School ug 30,000 cash ug trophy usab ang madawatan sa Gusa Elementary School isip third runner up.

 

Nasayran nga 13 ka mga pampublikong tunghaan sa elementarya ang misalmot sa tinuig nga Bangga sa Daygon nga gilangkoban sa Bugo Central School, City Central School, Balulang Elementary School, Indahag Elementary School, Puerto Elementary School, Lumbia Central School, Iponan Elementary School West City Central School Camaman-an Elementary School, Macanhan Elementary School, Upper Carmen Elementary School, Kauswagan Elementary School, ug Gusa Elementary School.

 

Midaog usab isip Best Conductor si Ms. Joan Gultiano gikan sa Kauswagan Central School nga modawat og 7000 cash.

 

Ang Bangga sa Daygon 2024 hatod kaninyo ni City Mayor Rolando ‘Klarex’ Uy pinaagi sa city Tourism and Cultural Affairs Office ug Pasko de Oro Chair Ms. Shiela Lumbatan ug co-chair City Councilor Jay Roa Pascual.

 

Mapasalamaton ang syudad sa hugot nga suporta sa Department of Education Cagayan de Oro Division, Limketkai mall, Lazada PH ug GCASH alang sa kalamposan sa Bangga sa Daygon 2024. (AGP/Photos by Jun Cañete/CIO)