DUNGAN gisaulog ang pagtapos sa 18-day to end Violence against Women (VAW) Campaign ug International Day against Trafficking kagahapong adlawa, Disyembre 12, nga gipahigayon sa SM Uptown Activity Hall, ning siyudad.

 

Atol sa maong kalihokan gilusad ang Blue Heart campaign isip simbolo sa pagsuporta sa 18-day to end VAW campaign ug series of talk kalabot sa Anti-Trafficking diin gisalmotan sa 300 ka Barangay VAW Desk Officers, Barangay Health Workers, mga miyembro sa City Inter Agency Council against trafficking and Violence Against Women and their Children (CIACAT-VAWC) ug Regional Inter Agency Council against trafficking and Violence Against Women and their Children (RIACAT-VAWC).

 

Gawas niini, gipahigayon usab ang service fair diin gitanyag ang libreng legal services, cellphone blocking services, vaccine batok Flu ug Pneumococcal infection alang sa mga senior citizens, IEC materials bahin sa pagpakigbatok sa VAW ug Psychological First Aid.

 

Ning tuig ang tema mao ang “VAW bigyang wakas, Ngayon na ang oras” kansang tumong ang pagpakusog sa adbokasiya batok VAW. (NLB/CIO/photos by Reynan Baylin and Kevin Chua/CIO)