AGIG paghinumdom sa mga nabiktima sa Tropical Storm Sendong 13 ka tuig na ang nilabay, usa ka ceremonial interment ang ipahigayon sa City Memorial Park alang sa mga wala na naila ug mga missing nga biktima nga pasiugdahan sa lokal nga kagamhanan ning syudad.

 

Ang ceremonial interment, inubanan sa kasaulogan sa Santos nga Misa, pagahimuon sa gitaganang luna alang kanila sa bag-ong City Memorial Park karong Lunes, Disyembre 16, alas 9:00 sa buntag.

 

Kahinumdoman nga gisiguro sa kagamhanang lokal nga mahatagan og disente ug saktong kapahulayan ang mga biktima taliwala sa kabag-ohan o redevelopment sa kanhi Bolonsiri Public Cemetery.

 

Laumang mismo si Mayor Rolando “Klarex” Uy ang mangulo sa maong paghinumdom kauban ang nagkalain-laing hut-ong sa relihiyosong pagtuo.

 

Subay niini, gihangyo ni Mayor Klarex ang katawhan sa paghalad usab og mga pag-ampo sa mga nabiktima sa maong katalagman. (ACM/CIO FILE PHOTOS)