Mapasalamaton ang unom ka grupo sa fisherfolk gikan sa unom ka mga barangay ning syudad ngadto kang Mayor Rolando `Klarex” Uy human nila nadawat ang chest freezer Biyernes Disyembre 20, 2024.

 

Ang mga grupo sa mga fisherfolk nga unang mikuha sa freezer mao ang Baloy United Small Fisheries Association (BUSFA) sa Barangay Tablon, Nagkahiusang Gagmayng Mananagat sa Bulua, ug Lapasan Seaside Fisherfolk Association.

 

Samtang ang ubang asosasyon sa mga fisherfolk mao ang gikan sa Barangays Cugman, Bayabas, ug Cugman.

 

Si Mae Ann Cayetuna, assistant dep’t manager sa Agricultural Productivity Operations Office (APOO) sa iyang mensahe midasig sa mga mananagat nga gamiton ug ampingan ang ilang nadawat nga ayuda alang sa ilang kuha nga mga isda.

 

Samtang si APOO Fisheries Division Chief Pablo Rojas Jr., malaumon nga ang maong kagamitan makatabang diha sa pagpalambo sa income sa mga mananagat diha sa ilang tagsa-tagsa ka mga bagsakan area.

 

Ang paghatag importansya ug pagpalambo sa mga programa sa agrikultura maoy usa sa mga priority sa administrasyon ni Mayor Klarex ubos sa RISE AGENDA. (ALR/CIO/Photos by Reynan Baylin/CIO)