NANGHINAOT si Rev. Msgr. Perseus P. Cabunoc, parish priest sa Jesus Nazareno Parish – Archdiocesan Shrine of the Black Nazarene nga sama sa milabay’ng tuig, mahimong hapsay, mailnawon ug luwas gihapon ang pagpahigayon sa ‘Traslacion 2025’ atol sa Feast of the Black Nazarene, karong Enero 9, 2025.

 

Ang pamahayag giluwatan ni Msgr. Cabunoc atol sa gipahigayon nga coordination meeting kagahapong adlawa, Enero 2, kauban ang kagamhanang lokal sa Cagayan de Oro sa pagpanguna sa City Administrator’s Office, City Disaster Risk Reduction and Management Department, Roads and Traffic Administration, JR Borja General Hospital, ingon man ang nasudnong ahensya gikan sa Cagayan de Oro City Police Office, Bureau of Fire Protection, Task Force Oro – Philippine Army ug Philippine Coast Guard.

 

Lakip sa gihan-ay nga preparasyon ang malangkubon nga gabayan sa security plan, traffic scheme ug emergency medical response.

 

Sama sa milabay’ng tuig, ang ruta sa prusisyon sa icon sa Itom nga Nazareno mag-agi gihapon ang dalan Fernandez – Don Apolinario Velez – Claro M. Recto. (AGP/Photos by Kim Zaldivar & Reynan Baylin/CIO)