MIGULANG kampeyon ang City Public Services Department (CPSD) sa labing unang flagraising ceremony office performance 2024 nga gisalmotan sa tibuok buhatan sa city hall.

 

Mismo ang department manager sa CPSD nga si Engr. Alan Villalba ang midawat sa premyo nga balor P300,000 ug plaque of recognition nga gitunol mismo ni Mayor Klarex Uy uban sa 20th city council nga gipangulohan ni Vice Mayor Bebot Rodriguez atol sa labing unang flag raising ceremony sa tuig 2025.

 

Nasungkit usab sa JR Borja General Hospital (JRBGH) ang first prize diin midawat sila og plaque of recognition ug cash prize nga balor P200,000; 2nd runner up usab ang City Accounting Department diin midawat sila og plaque of recognition ug cash prize nga P100,000.

 

Nasayra’ng ang matag performance gipahigayon matag Lunes sa tibuok tuig.

 

Kini inisyatiba sa administrasyon ni Mayor Klarex Uy isip pag-dasig sa panaghiusa sa mga opisina pinaagi sa pagpasundayag sa ilang nagkadaiyang talento. (NLB/CIO/photos by Reynan Baylin/CIO)