Thursday, 30 January 2025 08:39

2024 COLLECTION SA EAST-WESTBOUND TERMINAL & PUBLIC MARKET MISAKA

Written by ALR

ADUNAY pagtaas sa income sa East-Westbound Terminal & Public Market nga karon Farmers Market & Transport Terminal (FMTT) basi sa taho maong buhatan pinaagi ni City Economic Enterprises & Business Development Administration (CEEBDA) Branch Manager Allan A. Fernandez.

Ang total collection sa FMTT sa tuig 2024 mikabat sa P34,973,155.40 million diin nalabwan niini ang income sa tuig 2023 nga mikabat lamang sa P28,773,958.88 million.

Gipadayag ni Fernandez nga gikan sa bulan sa Enero paingon sa Disyembre 2024 adunay pagsaka sa collection matag bulan gumikan kini sa hugot nga paningkamot sa ilang buhatan nga makolekta ang gikinahanglan nga mga bayronon gikan sa merkado ug terminal.

Kini nga pagsaka nagrepresentar lamang sa usa ka mahinungdanong pagtubo nga mokabat P6,199,196.52, timaan sa makanunayong pag-uswag sa ekonomiya sa syudad ubos sa administrasyon ni Mayor Rolando `Klarex’ Uy.

Ang buhatan sa FMTT sa pagpangulo ni Fernandez masaligon sa pagsiguro sa transparency ug accountability sa pinansiyal nga mga butang samtang naningkamot nga matubag ang nagsaka usab nga panginahanglan sa maong merkado ug terminal. (ALR/CIO)