NAPAHIMUSLAN sa mga molupyo sa Barangay Pigsag-an ug silinga’ng dapit ang nagkadaiyang serbisyo nga gitanyag sa Round 3 SurUy-SurUy sa baryo, Enero 30, 2025.
Mokabat sa 320 ka tawo ang nakapahimulos sa Philhealth Konsultasyong Sulit at Tama (KonSulTa) nga gipangunahan sa City Health Insurance Office, City Health Office, kauban ang Philhealth Region 10 nga naglangkob sa mga serbisyo sa profiling, socialization, laboratory, panghatag sa tambal ug konsultasyon sa doktor.
Moabot usab sa 40 ka tawo ang libre’ng nakapahimulos sa dental services ug 22 ka tawo sa eyecare services.
Sa laing bahin 11 ka tawo ang nakatagamtam sa serbisyo sa City Civil Registry Office ug 4 ang nakapahimulos sa serbisyo sa City Legal Office.
Ang SurUy-SurUy sa Baryo program ni Mayor Rolando ‘Klarex’ Uy gipahigayon adlaw’ng Martes ug Huwebes matag semana. (AGP/Photos by CHIO)