Monday, 03 February 2025 08:27

SCHOLARSHIP ONLINE APPLICATION GIBUKSAN NA

Written by NLB
GIBUKSAN sa City Education and Development Department - City Scholarships Office (CEDD-CSO) ang scholarship online application alang sa college ug diploma courses sugod karong adlawa, Pebrero 3, 2025.
 
Ma-access kini pinaagi niini nga link: bit.ly/ISDAApplication2025 diin hangtud lamang Marso 3 ang ilang pagdawat. Kini usab nga link ang gamiton sa pagpasa sa scanned copy sa mga requirements ug documents.
 
Magsugod pagdawat sa mga scanned documents ug requirements ang CEDD-CSO sugod Pebrero 17 ning tuig.
 
Nagpahinumdum usab ang ilang buhatan nga kadtong dili maka-online application, dili maka-exam ug dili usab dawaton ang ilang requirements, samtang ang nag-apply sa online apan dili kompleto ang requirements, dili maka-exam.
 
Nasayrang lakip sa qualifications nga ang applikante gikinahanglan usa ka Filipino citizen; permanent resident sa Cagayan de Oro City; mokuha sa undergraduate degree on a full-time basis (dili part-time), graduate sa Senior High School; incoming first year college student sa S.Y. 2025-2026; wala sukad na-enroll sa College; ang total family income dili molapos sa Php 300,000 annually; ug gikinahanglan wala'y igsuon nga kasamtangan City Scholar.
 
Lakip sa priority courses ang Agriculture (Agribusiness, Biosystems Engineering, Crop Science), Business and Tourism, Education (Major in TLE, Filipino, and Special Education), Engineering, Information and Communication Technologies (Data Science, Computer Science, and IT) ug Medical-related Courses (Nursing; subject for evaluation of the Scholarships Committee).
 
Ang mapili nga city scholars makadawat og mga benepisyo sama sa full tuition, matriculation ug other fees; monthly stipend ug holistic formation.
 
Kasamtangan, adunay kapin 15,000 city scholars ang siyudad.
 
Gikatakdang i-anunsiyo ang listahan sa mga bag-ong city scholars karong Mayo 30, ning tuig.
 
Alang sa dugang pangutana bahin sa requirements ug uban pa, mahimong mobisita sa FB page, CDO CITY SCHOLARSHIPS OFFICE. (NLB/CIO/Infographic by CSO)