GITUTOKAN sa syudad pinaagi sa city Anti-Drug Abuse Council -Oro Wellness Center ang hagit sa pagpakusog ug pagpalapad pa sa mga Barangay Anti-Drug Abuse Council (BADAC) ug pagpalambo pa sa hugot nga koordinasyon sa COCPO, PDEA ug BJMP atol sa gipahigayong CADAC 1st regular meeting ning tuig.

 

Kini sa tinguha nga makab-ot ang katibuk-an nga kalamposan sa kampanya batok gidiling droga dinhi ning syudad.

 

Ang panagtigom gipangulohan ni City Anti-Drug Abuse Council Co-chairman City Councilor Romeo Calizo uban ni City Anti-Drug Abuse Division - Oro Wellness Center Head Dr. Rhyselle Bernadette Melliza- Descallar nga gitambongan sa nagkadaiyang myembro nga ahesya ug organisasyon diha sa city council conference room adlaw’ng Miyerkules, Pebrero 19, 2025.

 

Nag-unang gihisgutan ang taho gikan sa Drug-Free Workplace Assessment Committee (DWAC) pinaagi sa Office of the Human Resource Management Officer.

 

Gipadangat usab sa managlahing taho sa Cagayan de Oro City Police Office (COCPO) ug Philippine Drug Enforcement Agency (PDEA) ang ilang accomplishments sa tuig 2024 sa ilang mga anti-illegal drugs campaigns & operations, ingon man ang mga sitwasyon sa male and female dormitory sa Bureau of Jail Management and Penology. (AGP/Photos by Reynan Baylin/CIO)