Mapasalamaton ang mokabat sa 26 ka pamilya nga nasunogan sa 32nd street, Barangay Nazareth, kaganihang buntag, human midawat og direktang tabang gikan sa City Social Welfare and Development Office ubos ni CSWD Officer Annie Tongson , kauban ang Barangay Nazareth ug Barangay Camaman-an.

 

Ang matag pamilya midawat sa bugas, hygiene kits ug sleeping linens gikan sa CSWD. Anaa usab sila’y nadawat nga paniudto ug panihapon karong gabiii ug pamahaw ugmang adlawa gikan sa Barangay Nazareth. Sila usab midawat og tent gikan sa Barangay Camaman-an.

 

Nasayrang kadaghanan sa mga nasunogan ang kasamtangan nahimutang sa Nazareth covered courts. (NLB/CIO)