TUNGOD sa naangkon nga Level II accreditation sa JR Borja General Hospital (JRBGH), mas daghan ug mas komplikado na nga mga balatian ang kasamtangang giatiman ug gidawat sa maong tambalanan.

 

Matud ni Chief of Hospital Dr Michael June C. Perez, nga ubos sa balaod sa Philippine National Drug aduna lamang mga formula ug listahan nga pwedeng mapalit sa mga government hospital ubos sa formula sa procurement system.

 

Gipasabot ni Chief of Hospital Dr Michael June C. Perez, nga adunay igong supply sa tambala pan adunay mga higayon nga gikinahanglan nga mopalit og tambal gawas sa hospital ang mga pasyente ilabina kung mas komplikado ang mga balatian niini ug wala na nahilakip sa ilang procurement.

 

Dugang ni Dr Perez gipaningkamotan gayud sa JRBGH nga maatiman ug mahatagan og kasayon ang mga pasyente apan aduna usab limitasyon ang ilang pagkuha sa mga tambal.

 

“Naay mga reseta nga wala nato gi-procure ug dili pod ga-procure ang hospital tungod kay wala kin isa formula sa procurement nga pwedeng mapalit sa mga government hospitals,” saysay ni Dr Perez atol sa programa’ng Inyong Alagad Mayor Klarex Uy, Pebrero 21, 2025.

 

Kahinumdoman nga misaka na accreditation level sa JRBGH gikan sa Level 1 ngadto na sa Level II niadtong Agosto 7, 2023 ubos sa administrasyon ni Mayor Rolando “Klarex” Uy. (ACM/CIO)