GITUKI kagahapong adlawa, Pebrero 24, 2025 atol sa regular management committee meeting, ang mahitungod sa ‘tourism development plan’ ubos sa taho gikan sa Economic and Infrastructure Development Sector pinaagi ni Acting City Tourism Officer Mr. Mark Kenneth Jalapadan.

 

Ang maong panatigom gipangulohan ni Chief of Staff Ms. Sheila B. Lumbatan, City Administrator Atty. Roy Hilario Roy Raagas ug gitambongan usab sa mga department managers/office heads sa city hall.

 

Tipik sa mga nahisgutan ang laraw nga rehabilitation sa Makahambus cave and gorge ug Kagay-an resort, pagtukod og Cagayan de Oro welcome mark, ug uban pang mga hisgutanan sa pagpakusog ug pagbuhi sa turismo sa syudad.

 

Samtang aduna na usab initial nga panghisgot alang sa pagpangandam sa Himugso 2025 agig pagsaulog sa ika-75th o Diamond celebration sa pagkahimugso sa Cagayan de Oro.

 

Sa iyang bahin gipadayag usab ni Ms. Lumbatan ang iyang pasalamat sa mga department managers nga pabiling nakatutok nga palambuon pa ang serbisyo sa syudad ngadto sa katawhan taliwala sa mga pagsulay ug mga hagit. (AGP/Photos by Jomar Figuracion/CIO)