LAUMANG madugangan na ang kasamtangang 8-bed intensive care unit ngadto na sa 25-bed capacity sa JR Borja General Hospital (JRBGH) sa dili madugay.

 

Kini ang gibutyag ni Acting Chief of Hospital Dr Michael June Perez atol sa programang Inyong Alagad, Mayor Klarex Uy bag-ohay lang.

 

Matud ni Dr Perez aduna na kini luna ug naghulat na lamang sa ‘final details’ aron masugdan kini.

 

Samtang gipasalig usab ni Dr Perez nga makabaton na usab og Newborn Intensive Care Unit and JRBGH sa tunguha nga mas mapalapdan pa ang serbisyo niini.

 

Gani man, mipadayag usab sa kalipay ang mga tigdumala sa Northern Mindanao Medical Center (NMMC) sa maong kalamboan sanglit daghan pa usab ang ilang maserbisyohan.

 

Kini nga mga kalamboan ang gikalipay ug gipasalamatan sa mga kadagkoan sa JRBGH sa panlantaw ug suporta ni Mayor Klarex Uy sa serbisyong medical nga usa sa priority agenda sa iyang administrasyon. (ACM/CIO)