IPATUMAN sa syudad ubos sa administrasyon ni Mayor Rolando `Klarex’ Uy ang speed limit restriction sa dili madugay human nahukman sa Roads and Traffic Administration (RTA) nga magpalit og Speed Gun.

 

Kini aron mapatuman ang limit ug pagmonitor sa mga motorista nga wala nagsunod sa speed limit basi sa Traffic Code ning syudad, pamahayag ni Engr. Nonito Oclarit, Dep’t Manager sa RTA.

 

Tumong usab niini nga makunhoran ang aksidenti sa dalan ug mapitol ang badlungon nga mga drayber tungod sa paspas nga pagpadagan sa ilang mga sakyanan.

 

Gipasabot ni Engr. Oclarit nga ang paggamit sa speed gun alang sa traffic enforcement usa ka epektibo nga pamaagi sa pagmonitor ug makunhoran ang speeding violations.

 

Gitugotan niini nga aparato ang mga law enforcement sa tukma nga pagsukod sa kapaspas sa sakyanan sa tinuod nga oras ug sa road safety nga mapugngan ang dangerous driving behaviors.

 

Kini nga aparato makabasa ug maka-monitor sa adlaw ug gabii pinaagi sa iyang night vision capability ug awtomatikong maka-printa sa data recorded. (ALR/CIO/Photos from RTA)