KAPIN 300 Ka mga PopDev (Population Development) club leaders ug teen center operators gikan sa 45 ka mga tunghaan ug nagkadaiyang stakeholders ang misalmot sa 2025 PopDev Club Convergence nga gipahigayon sa City Tourism Hall, Marso 8, 2025.

 

Ang kalihokan gipaluyohan sa Community Improvement Division, uban sa hugot nga suporta ni Mayor Rolando Klarex Uy, City Vice Mayor Jocelyn Bebot Rodriguez, SK Federation President City Councilor Kenneth John Sacala, Commission on Population and Development Region 10, Department of Education - CDO, City Health Office, Oro Youth Development Office, Information Service Delivery Network for Adolescent Health Development ug mga tunghaan sa syudad.

 

Atol sa panagtapok gitudloan sa ISDN- AHD ang mga kabataan mahitungod sa referral pathways for children and adolescent.

 

Mihatag usab og updates ang buhatan sa CID kabahin sa adolescent health and development program sa syudad.

 

Gilusad usab ang tinuig nga ‘TEENcredibles’ social media campaign competition ug ‘search for the most outstanding school-based teen centers’.

 

Samtang gipahigayon usab ang piliay sa bag-ong PopDev Club Federation Officers diin midaog isip Federation President si Mr. Rod Izander Tasi gikan sa Gusa Regional Science High School. (AGP/Photos by Roel Felicitas/CIO)