GISUGDAN na ang site validation sa Sitio Patpat, Brgy Lumbia alang sa gilaraw nga trading post ubos sa Philippine Rural Development Project (PRDP) nga mugnaon sa lokal nga kagamhanan ning syudad ubos sa administrasyon ni Mayor Rolando “Klarex” Uy.

 

Ang PRDP proyekto sa ubos sa Department of Agriculture (DA) sulod sa unom ka tuig diin nagtinguha sap ag-modernize ug pagpalambo sa sektor sa agrikultura sa nasud.

 

Nasayran nga usa ang Cagayan de Oro sa benepisyaryo sa maong proyekto.

 

Ang site validation team gilangkoban sa nagkadaiyang buhatan sa city hall sama sa City Planning and Development Office, City Engineer’s Office, City Agricultural Office, City General Services Office, City Veterinary Office, CLENRO, CEEBDA, ug City Legal Office.

 

Tumong niini ang pag-ila sa mga risgo, pagsusi sa kaangayan sa yuta ug pagsiguro nga kini nga proyekto mohaom sa dugang plano sa kalambuan sa dakbayan. Ingon man nga ang maong trading post maghatag og dugang kalamboan sa ekonomiya.

 

Kini nga lakang usa ka mahinungdanon alang sa malungtarong agrikultura nga makabenepisyo ang mga mag-uuma, negosyante, ug konsumedor. (MDS/ Photos By: Jay Arancon/CIO)