HINIUSANG gipahigayon sa kagamhanang lokal sa Cagayan de Oro pinaagi sa Community Improvement Division kauban ang Cooperative Development Authority (CDA-X) ang Cooperative Information Caravan 2025, diha sa city hall quadrangle, Marso 13, ning tuig.

 

Ang nasangpit nga information caravan gisalmotan sa nagkadaiyang myembro sa kooperatiba sa syudad.

 

Laraw niini nga magabayan, ma-edukar ug mahatagan og information updates ang matag coop members mahitungod sa partikular nga hisgutanan sa credit surety fund; legal updates; research, info & trainings; registration; coop supervision & examination; ug Cooperative Projects Development.

 

Alayon niini gipadayag ni Mayor Rolando ‘Klarex’ Uy iyang mensahe pinaagi ni City Administrator Atty. Roy Hilario Raagas ang iyang panimbaya ug pasalamat sa mga mitambong ingon man sa kinatibuk-an nga mekanismo sa kooperatiba nga nahisubay usab sa RISE development agenda sa syudad.

 

Lakip misaksi sa kalihokan si Vice Mayor Jocelyn Bebot Rodriguez nga nagpasalamat sa aktibong partisipasyon sa mga coop members alang sa kalamboan sa komunidad.

 

Mitambong usab si City Councilor Kenneth John Sacala, chairman sa Committee on Cooperatives sa 20th City Council. (AGP/ Photos by Jomar Figuracion/CIO)