NAGPAHIGAYON og outreach program ang Regional Gender and Development Committee (RGADC) sa Home For Girls ubos sa Department of Social Welfare and Development Department (DSWD) Compound ug mga centers alang sa kababayen-an sa City Social Welfare and Development Department (CSWDD) diha sa Macanhan, Carmen, Marso 13, ning siyudad.

 

Lakip sa gihatag ang hygiene kits ug libreng pagkaon.

 

Gipahigayun usab ang dental ug medical mission ug libreng legal consultation.

 

Ang Home for Girls (HFG), usa ka shelter sa DSWD kansang tumong ang pagtabang sa young survivors of abuse, violence, and exploitation nga maka-recover sa ilang mga traumatic experience.

 

Sa laing bahin ang women centers nga midawat mao ang Home Care for Girls alang sa mga kababayen-an nga biktima sa pagpangabuso, Women Development Center alang sa ‘women in difficult circumstances’ ug Balay Paglaum shelter alang sa kababayen-an kon Children in Conflict with the Law (CICL) ug biktima sa Child Trafficking.

 

Nasayrang ang matag Regional Gender and Development Committee (RGADC) sa rehiyon mao’y gadumala sa gender-related activities sa rehiyon ug nagduso sa gender-related policies sa Regional Development Council.

 

Ang maong kalihokan kabahin sa pagsaulog sa National Women’s month.

 

Tumong niini ang mapabati sa mga kababayen-an nga biktima sa pagpangabuso nga bisan pa man sa ilang sitwasyon, sila kabahin sa kasaulogan. (NLB/CIO/photos by Roel Felicitas/CIO).