BARANGAY KAUSWAGAN gipasidunggan isip Most Child-Friendly Barangay sa syudad pinaagi sa City Council for the Protection of Children (CCPC) atol sa PASUNDAYAG Oro Kasanag Awards, Marso 13, nga gipahigayon sa Centrio Ayala Event Center, ning siyudad.

 

Nasakmit usab sa Barangay Balulang ang 2nd Most Child-Friendly Barangay samtang 3rd Most Child-Friendly Barangay ang Barangay Agusan; 4th Most Child-Friendly Barangay ang Barangay Gusa ug 5th Most Child-Friendly Barangay ang Barangay Bugo ug Barangay Macasandig.

 

Naangkon sa Barangay Kauswagan ang Special Recognition for Exemplary Initiatives in Implementing Barangay Nutrition Program, Special Citation for Best Community Engagement Initiatives ug Special Citation for Best Partnerships and Linkages alang sa special awards.

 

Sa laing bahin nadawat sa Barangay Balulang ang Special Recognition for Outstanding Adolescent Friendly Health Facilities, Special Recognition for Intensive Online Campaigns and Information Dissemination Initiatives ug Outstanding Data Recording and Management for Cases involving Children and Children in Conflict with the Law.

 

Special Recognition for Innovative Efforts in Addressing Learners at Risk usab ang nakuha sa Barangay Bugo, Most Child-Friendly Early Childhood Care and Development Facilities ang Barangay Iponan samtang Special Commendation for Barangay Officials in Upholding Child-Friendly Services Reflected in Governance ang Barangay Balulang ug Kauswagan.

 

Nasayrang sa tuig 2023 ug 2024, kampyeon ang Barangay Kauswagan ug candidate for Hall of Famer na kini.

 

Sama sa Seal of Child-Friendly Police Station, tinguha usab sa maong search ang kanunay nga pagdasig sa mga barangay sa pagprotehir sa mga katungod sa mga kabatan-onan. (NLB/CIO/photos by Roel Felicitas/CIO)