NAKABATON og duha ka brand new service vehicles ang Special Weapons and Tactics kon SWAT unit sa Cagayan de Oro City Police Office (COCPO).

 

Kini human gipangulohan ni City Mayor Rolando ‘Klarex’ Uy ang simpleng turnover sa mga bag-ong sakyanan nga gitambongan sa mga kadagkoan sa kapolisan pinangulohan ni PNP-10 Regional Director PBGen Jaysen de Guzman, COCPO City Director Police Colonel Salvador Radam ug City Mobile Force Company Commander PLTCol Randy Tecson Anito.

 

Nanghinaut si Mayor Klarex nga makatabang ang maong mga sakyanan diha sa pagpalig-on sa kapasidad sa SWAT sa ilang inadlaw-adlaw nga trabaho sa pag-responde panahon sa emerhensya o’ police assistance.

 

Sa ilang bahin, dako ang pasalamat ni PNP-10 Regional Director de Guzman, Colonel Radam ug LtCol Anito sa hugtanong suporta ni Mayor Klarex sa pwersa sa kapolisan alang sa pagmintinar sa kahapsay, kahusay ug kalinaw sa tibook dakbayan sa Cagayan de Oro. (CIO/photos by Kim Zaldivar)