USA ka joint operation ang himoon sa Roads and Traffic Administration (RTA), Highway Patrol Group (HPG), Land Transportation Office (LTO), Land Transportation Franchising and Regulatory Board (LTFRB) ug Cagayan de Oro City Police Office (Cocpo) aron masumpo ang pagpahigayon og drag-racing sa pipila ka grupo ning syudad.

 

Ang maong operasyon nauyonan atol sa coordination meeting adlaw’ng Lunes Marso 17, 2025, nga gidumala ni Atty. Ramon G. Tabor, co-chair sa CDO-RTA SOTF.

 

Gawas sa operasyon batok drag-racing, ubay-ubay pa nga mga pamaagi ug solusyon ang nakab-ot sa grupo aron masumpo ang maong kalihokan nga nakadisturbo sa katulogon sa mga residente sa Barangay Kauswagan ug sa uban pa nga lugar ning syudad hinungdan sa daghang reklamo ang nadawat sa RTA, ug kapulisan.

 

Gipasidan-an usab sa otoridad ang mga nanag-iya sa gipang-modify nga mga motorsiklo nga pwede sila’ng magmulta basi sa LTO Memorandum 2008-105 sanglit gidili man kini ubos sa maong memorandum. (Text & Photos by ALR/CIO)