DUL-AN 200 ka IP women misalmot sa capacity development training kalabot sa "Empowering Tribal Leaders: Building Capacity for Gender-Responsive alang sa Women’s month celebration, Marso 18, nga gipahigayon sa Sitio Canaan, Barangay Dansolihon, ning siyudad.

 

Atol sa maong kalihokan, gipahigayun ang ritual nga ginganlan og ‘Singampo’ ug gihisgutan ang mga balaod, programa ug serbisyo alang sa IP women.

 

Ang mga IP Leaders nga misalmot nagikan sa 14 ka IP communities: Bayanga, Besigan, Cugman, Dansolihon, FS Catanico, Lumbia, Mambuaya, Pigsag-an, Tablon, Taglimao,Tagpangi, Tignapolo-an, Tumpagon ug Tuburan.

 

Hugot usab nga misuporta sa kalihokan ang mga IP leaders nga lalaki, SAMDHANA Institute, CSWD Department Manager Anecia Tongson, CSWD Solo Parent Focal Person Mary Apple Dawn Tabafa, Assistant Interim Head sa City Gender and Development Focal Point System Jocelyn Peñalosa, Atty. Yenyen O. Empinado-Alabe sa City Vice Mayor's Office, Dodu Abrio miyembro sa City GAD FPS ug uban pa.

 

Ang maong inisyatiba gipangulohan sa City Social Welfare and Development (CSWD) Department - IPs section uban sa City GAD Focal Point System kansang tumong ang pag-ila sa papel sa mga IP Women sa komunidad. (NLB/CIO/photos courtesy of CSWD)