ANAA sa 474 ka indibidwal ang misalmot sa gipahigayon nga Women’s Month Job Fair, kagahapong adlawa, Marso 18, sa City Tourism Hall, ning siyudad.

 

Sa maong ihap, 39 niini ang na-hired on the spot diin usa niini si Phollaine Jane Lapar, taga Barangay Tablon diin matud pa niya “superblessed” nga nadawat sa trabaho sanglit Enero pa lamang kini nangita ug nanimpalad diri sa Cagayan de Oro gikan sa Iligan City aron makatrabaho.

 

Nasayrang ang maong kalihokan kabahin sa National Women’s Month diin ang Job Placement Bureau - Public Employment Service Office (JPB-PESO) pinangulohan ni PESO Manager Kathleen Kate 'Kitkat' Sorilla uban sa Department of Labor and Employment X ug City Gender and Development Focal Point System ang nagpahigayon sa maong kalihokan.

 

Ang job fair gisalmotan sa 49 ka local employers ug 12 overseas employers.

 

Tumong usab niini ang paghatag og oportunidad sa pagpanarbaho ilabina sa mga kababayen-an nga nanginahanglan og trabaho. (NLB/CIO/photos by Jay Arancon/CIO)