APRUBADO sa City Disaster Risk Reduction and Management Council (CDRRMC) ang resolusyon sa pagmugna og Climate and Disaster Risk Assessment Technical Working Group (CDRA-TWG) atol sa gipahigayon nga 1st quarter CDRRMC full council meeting karong adlawa, Marso 19, 2025 diha sa City Tourism Hall, Cagayan de Oro.

 

Ang CDRA-TWG nga pangulohan sa buhatan sa CDRRMD, uban sa nagkadaiyang buhatan sa kagamhanang lokal sa Cagayan de Oro ug uban pang private stakeholders, ang gikatakdang motutok sa pag-update sa Local Disaster Risk Reduction Plan, contingency plan on flooding, pagmugna og contingency plan on rain-induced landslide ug Risk Communications Plan sa tuig 2025-2026.

 

Atol sa full council meeting gituki usab ang regular nga taho gikan sa 4 thematic areas nga naglangkob sa disaster prevention and mitigation, disaster preparedness, disaster response and early recovery ug disaster rehabilitation and recovery. (AGP/Photos by Jay Arancon /CIO)