MISALMOT ang 64 ka 'lactating mothers' sa First 1,000 Days (F1K) forum ug milk letting drive, nga gipahigayon, Marso 24, diha sa barangay Carmen, ning siyudad.

 

Nasayrang ang lactating mothers mga Pamilyang Pilipino Program (4Ps) beneficiaries.

 

Gani, mikabat sa 2020 mL ang nakolekta nga breast milk sa milk-letting drive ug ang mga "pre-term babies" ug "critically ill infants" sa JR Borja General Hospital Neonatal Intensive Care Unit ang makabenepisyo niini.

 

Ang maong kalihokan gipangulohan sa City Gender and Development Focal Point System, Department of Social Welfare and Development Department X uban sa City Nutrition Committee City Health Office, City Social Welfare and Development Department -District 1A, City Inter-agency Committee (CIAC), JR Borja General Hospital Human Milk Bank, Barangay Nutrition Scholars ug Barangay Carmen Council.

 

Tumong niini ang pag-promote og maternal ug child health samtang ga-suporta sa mga vulnerable newborns and infants nga nanginahanglan og breast milk. (NLB/CIO/photos courtesy of Jenica Dejino/GAD and CNC)