MAPASALAMATON ang 53 ka indibidwal nga biktima sa sunog diha sa Villa Radoc, Manggahan, Barangay Balulang human diretso’ng nakadawat og hinabang gikan sa kagamhanang lokal ubos sa administrasyon ni Mayor Klarex Uy pinaagi sa City Social Welfare and Development Department ug sa Barangay Balulang Council.

 

Lakip sa mga hinabang nga ilang nadawat gikan sa CSWD ang assorted canned goods, bugas, kitchen utensils, habol, banig ingon man mga gamit para katulog.

 

Midawat usab sila sa emergency assistance sama sa lima ka kilo nga bugas, kaldero ug solar lamp gikan ni Mayor Klarex Uy.

 

Samtang, nagplastar usab og community kitchen sulod sa tulo ka adlaw ang Barangay Balulang Council aron makatabang sa mga biktima.

 

Kasamtangang, anaa nagpuyo sa Barangay Police Outpost atubangan sa Balulang Elementary School ang mga nasunogan.

 

Gani man bisan sa kalisud nga ilang giatubang karon, sila mapasalamaton tungod sa tabang nga ilang nadawat. (NLB/CIO/photos courtesy of CSWD)