Sa tinguha nga malimpiyo ang mga creeks sa syudad ilabina sa Barangay Macabalan, nagkauyon ang syudad ubos sa administrasyon ni Mayor Rolando `Klarex’ Uy pinaagi sa Hapsay Sapa Team ug ang konseho sa Barangay Macabalan nga magtinabangay aron makab-ot kini nga katuyoan.

 

Kini ang tumong sa panagtagbo sa Hapsay Sapa Team pinangulohan ni Patrick Gabutina ug ni Punong Barangay Saniel Raypon sa Brgy. Macabalan bag-ohay lang diin ilang gihisgutan ang mga pamaagi ug solusyon sa paglimpiyo sa mga creek sa maong barangay.

 

Ang paglimpyo sa mga creeks maoy usa sa gihingusgan ug gipaningkamutan sa syudad nga malimpyo aron dili mabara ug malikayan ang pagbaha panahon sa ting-ulan. (ALR/CIO/Photos from Hapsay Sapa)